martes, 15 de diciembre de 2015

CHAMÁDEME SIMBAD NO CLUB DE LECTURA





O 1 de decembro tivemos a segunda xuntanza do Club de Lectura.
Empezamos, coma sempre, facendo un pequeno resumo. Despois comentamos o que máis nos gustou.Para Luis o mellor foi cando Paulo atopou ao seu avó. Para Uxía o peor foi a carta na que lle conta a Paulo, o seu neto, que os filibusteiros querían metelo nunha residencia e resultou que eran os seus pais; feito que lle deu moita pena.

Todos estivemos de acordo que o libro non só contaba unha simple historia, senón unha historia cunha intención; é un libro con mensaxe: "coida dos teus pais, como eles coidaron de ti cando era neno (como dixo Andrés con moito tino).

A profe Rita preguntounos as semellanzas ou diferencias que atopábamos co libro de Escarlatina. Unha cousa está clara, nos dous o personaxe é un avó pero con diferencias. O avó de Ramón é moi marchoso e o de Paulo ten alzheimer. Por outra banda, Escarlatina é un libro imaxinario, o de Simbad podería ser unha historia real.

Para Alba a historia de Simbad podería estar ambientada en Vigo xa que lle lembraba este lugar, a zona vella, o túnel que levaba ao bar de Bernardino, o irmán do avó.

A Uxía gustoulle cando Paulo lle dicía ao seu pai que tiña a orella vermella de falar tanto polo móbil.

Estre libro encantounos a todos por iso animámosvos a que o leades.


miércoles, 11 de noviembre de 2015

PRIMEIRA XUNTANZA






O pasado 3 de novembro tivemos a primeira xuntanza deste curso. O libro que lemos foi Escarlatina, a cociñeira difunta, de Ledicia Costas. Reunímonos 21 alumnos para comentar a lectura e degustar as ricas sobremesas preparadas por nos para a ocasión. Esta vez eramos tantos porque esperábamos á escritora para este primeiro trimestre, pero non vai poder ser e teremos que esperar para o segundo para poder coñecela.Na seguinte xuntanza xa seremos menos.

Para empezar fixemos un resumo entre todos.Despois a profe Rita pediunos que definísemos o libro nunha soa palabra. Rio dixo que lle parecía "raro", Xiana "intrigante", Marta dixo que era "interesante" e para Marcos foi "aparvado"

Cando a profe nos pediu que inventaramos un final, Andrés contestou que lle gustaría que Escarlatina volvera á vida e que se adaptase. Laura Martínez tiña claro que o mellor final sería que Escarlatina resucitase ao avó de Román; de feito ela esperaba este final. Para Brais o mellor sería que o avó volvese á vida aínda que se así fose á nai de Román daríalle un ataque ao corazón. A Pedro gustaríalle que volvese ao mundo puidendo acceder ao inframundo cando quixese.

Ao final do encontro volvemos definir nunha soa palabra o libro e xa se animaron máis , "entretido"(Álvaro), "alegre"(Nacho),"aventureiro"(Luis), "gracioso"(Dyan), "interesante"(Carlota), "máxico" (Uxía) e "divertido" (Diego).

Divertímonos moito neste encontro, foi unha experiencia nova para nós.Esperamos encantados o segundo no que imos ler "Chamádeme Simbad", de Francisco Castro. 


jueves, 22 de octubre de 2015

XA ESTAMOS EN MARCHA

Xa estamos en marcha un ano máis. Este ano empezaremos con Escarlatina, a cociñeira defunta, non poderedes parar de lelo.

A DISFRUTAR!!!

miércoles, 24 de junio de 2015

DESPEDIDA CUN ROTEIRO LITERARIO POLO RIO






Unha tarde inolvidable. Compartimos picnic con poesías dedicadas ao río, poesías incluso escritas por eles mesmos como foi o caso de Carla, Sara, Aroa e María que o "tatuaron" nas súas pernas. O mellor foi cando apareceu o novo membro do club, un cabalo que quixo compartir con nos  o picnic, as poesías e as nosas reflexións sobre o curso. 

O voso paso pola escola xa rematou  ,   desexámosvos que nesta nova etapa que comezades  sigades disfrutando da lectura. Non vos esquenzades que no instituto tamén tedes club de lectura. Este blog segue aberto para vós polo que nos gustaría seguir  recibindo as vosas visitas e por suposto os vosos comentarios.
Foi un pracer compartir con vós todos esos momentos de  lectura.

Moita sorte !




martes, 23 de junio de 2015

XOELIKI NO 2º CLUB DE LECTURA




 O libro a comentar nesta ocasión era XOELIKI  de Abraham Carreiro
Xoeliki, un rapaz, orfo de pai, case sen querer entra no mundo da informática e mesmo atopa  a clave para vencer un serio virus que ameaza o futuro dos rapaces da súa escola no mundo da Internet.
O tema  resultounos moi  atractivo, a todos nos gusta Internet; o que nos levou a falar sobre o control e responsabilidade necesarios no seu uso. Incluso comentamos casos de enganos na rede.
Aitana e Ana comentáronnos que están moi de acordo coa frase:

“ Ler é máxico, axuda a medrar, a viaxar...”.

Outras frases que tamén nos gustaron do libro foron:

 “Traballar en equipo, multiplica ideas”.

”Non hai nada como aprender gozando cada día”.

"...a tecnoloxía é maravillosa, máis os libros de papel tamén, podes cheiralos, tocalos, apertaalos..."

Todos  opinamos o  mesmo, que preferimos aprender disfrutando e se pode ser en equipo, xa que  resulta máis doado.

domingo, 14 de junio de 2015

VISITA AO CENTRO DE DÍA






Unha vez máis  fomos visitar o Centro de Día da Terceira Idade. Encántanos ir por iso preparamos todo con tanta ilusión.Nesta ocasión para celebrar con eles o día das Letras Galegas.

Foi unha xornada estupenda! Esperábannos con entusiasmo . Lara incluso trouxo un ramo de flores  da súa casa  para regalarlles.

Compartimos xuntos un anaquiño de tempo no que despois dunha breve presentación por parte de Aitana e Pablo, comezamos  as    actuacións
  recitando unha serie de  poemas  de Filgueira Valverde e Ana un que escribiu  sobre os avós.



Para rematar representamos o conto de Kalandraka de AVÓS.
Tamén cantamos e bailamos todos xuntos: “ A saia da Carolina”, canción que tod@s coñecían .

 Invitáronnos a una merendola para finalizar.

Foi unha experiencia inolvidable que volveremos  repetir,  sobre todo porque nos fixo sentir ben, como dicían os rapaces e rapazas cando saímos.



Moitas gracias a todos os que traballan alí ,que nos acolleron tan ben, e sobre todo  a Aurita, Josefa, Asunción, Nieves, Avelina... pola súa atención, aplausos, conversas e incluso polos silencios .

NORABOA RAPACES POR RECOÑECER A IMPORTANCIA DOS MAIORES 

E POR COMPARTIR PARTE DO VOSO TEMPO CON ELES!!!

miércoles, 10 de junio de 2015

SESIÓN DE CINE NA BIBLIOTECA




Unha vez  máis xuntámonos para disfrutar dunha tarde de cine con palomitas. Nesta ocasión puidemos  ver "MAGIA MÁS ALLÁ DE LAS PALABRAS", baseada na vida de J.K Rowling, escritora dunha das sagas máis famosas da literatura e do cine, HARRY POTTER. Fala das dificultades que pasou cando se divorciou, dos múltiples intentos fallidos para atopar traballo e como foi nacendo Harry Potter ata a súa publicación.

Unha tarde inolvidable!









miércoles, 20 de mayo de 2015

O RAIO VELOZ

                             

A semana pasada xuntámonos para falar sobre este libro.Empezamos saboreando o bizcoito de chocolate, recordando deste xeito ao protagonista cando falaba das virtudes deste producto, "facer feliz á xente". Lóxicamente xa descubrimos porque o seu libro favorito é "Charlie e a fábica de chocolate".

Gustoulles   o principal obxectivo de Adrián cando buscaba un traballo:  conseguir a felicidade da xente.

Definírono como unha persoa boa, amable, noble e de bo corazón, e a Rosa como graciosa, activa e moi simpática. Atoparon algunhas semellanzas entre os protagonistas, aos dous gustáballes a poesía e compartían o gusto polo mesmo autor, Paul Eluard. Deixámosvos un enlace por se queredes coñecer algún máis:

Poemas de Paul Eluard

Máis poemas


Disfrutaron cando cambiaba as mensaxes para facer feliz á xente. Para uns o mellor foi cando cambiou as notas dos alumnos, para outros, , cando axudou á reconciliación dos namorados e para algúns máis cando cambiou o contido da cesta daquela muller.

Fragmentos que lles gustaron:


  • A Ana e Aitana: "Cada persoa ten unha vida diferente, chea de historias que me encantaría descubrir", pensaba."Historias tristes ou alegres, pero sempre tan fascinantes coma a mellor das novelas".
  • Ceci:"¿Nunca oíches dicir que o amor de verdade só se presenta unha vez na vida?"
A Noa encantoulle un dos poemas de Paul Eluard:

        Non se pode coñecer
        mellor do que me coñeces.
        Non se che pode coñecer 
        mellor do que te coñezo.


O libro está cheo da maxia. Todos disfrutamos co libro, coas ilustracións, coas adiviñas e incluso cos xeroglíficos.

 

martes, 28 de abril de 2015

NATA Y CHOCOLATE INVENCIBLES NO 2º CLUB DE LECTURA







Nesta ocasión tamén lemos o primeiro libro de Nata y Chocolate para poder entender mellor aos personaxes.Falamos de Sonia, do seu amigo Juan  e da súa valentía cando decide investigar e axudar a Pedro. O maltrato que sufren él e a súa nai, foi un dos temas que máis lles impactaron. Reflexionamos sobre casos de malos tratos que coñecían e sobre a violencia de xénero en xeral.Ana e Amalia falaron dun caso de malos tratos que sufría unha veciña e como acabou suicidándose, do duro que ten que ser vivir unha situación deste tipo. Falamos do importante que é axudar aos demáis cando alguén  ten problemas. 
  
 Outros dos valores que descubrimos dentro desta historia son a amizade e o amor pola lectura..


Algunhas das frases que lles gustaron foron:
  • "Más vale lo malo conocido que lo bueno por conocer"(Arlette)                   
  • "¡Qué orgulloso sigo estando de todos vosotros, queridos descerebrados!"(Cecilia)
  • "Nadie que te agrede y que te hace daño puede seguir contigo. Una pareja es feliz creando un hogar feliz para ellos y para sus hijos."(Aitana, Ana...)
Un libro que vos recomendamos, no que se fala non só dos malos tratos senón tamén dos primeiros amores.






domingo, 29 de marzo de 2015

ESTRENÁMONOS CO 2º GRUPO DO CLUB DE LECTURA



Despois destos meses, escoitando aos nosos compañeiros falando dos libros do club e das xuntanzas...
Por fin chegou o día!!!
Falamos do libro Chamádeme Simbad. Un libro que fala da especial relación que existe entre un neto e o seu avó, e das consecuencias da enfermidade do Alzheimer vistas por un neno de 10 anos.
Pareceunos a todos un libro cheo de valores e tenrura polo que vos animamos a lelo.

jueves, 12 de febrero de 2015

VISITAMOS O CENTRO DE DÍA










Por fin chegou o día!Fomos con moita ilusión e eles esperábannos tamén con entusiasmo .
Compartimos xuntos un anaquiño de tempo no que despois dunha breve presentación por parte de Noé e Quique, comezamos  a lectura do libro “A meiga Dona Paz” e diferentes poesías escritas polas nosas poetisas Carla, Aroa, Sara,Ainhoa, Alba, Carolina e Mara.


Eles tamén nos tiñan preparado un PAZEDARIO que seguimos completando entre todos.
Cantamos a canción de Diego Torres “ COLOR ESPERANZA”. Para finalizar  invitáronnos a merendar.Que rico,non só a merenda senón tamén o ambiente que creou!



Foi unha agradable experiencia que xa estamos desexando REPETIR.

NORABOA RAPACES POR SER TAN SOLIDARIOS E CARIÑOSOS COS MAIORES!!





miércoles, 28 de enero de 2015