miércoles, 21 de noviembre de 2007

ANXO FARIÑA NO NOSO CLUB DE LECTURA



Hoxe visitou a nosa biblioteca Anxo Fariña. Estivo co alumnado de 5º e 6º intercambiando opinións e ideas sobre o seu libro
Os Megatoxos. Xa que con este libro foi co que comezamos o Club de Lectura deste ano, e que mellor maneira que pechar o mes coa presenza do propio autor.
Contounos moitas cousas tamén sobre a súa obra como ilustrador e como escritor.Transformou a Lucía e a David en posibles personaxes de libro, e deunos algunha primicia do novo libro.
O ano pasado, despois da súa visita, estabamos desexando empezar a ler Os Megatoxos, e este ano contando os días para que saia o seguinte.
Asinounos libros e carteis que sorteamos entre o alumnado destes cursos.

Unha ano máis, queremos agradecerlle a Anxo a súa presenza e entrega.

¡GRAZAS ANXO!

lunes, 5 de noviembre de 2007

OS MEGATOXOS NO CLUB DE LECTURA




Este ano iniciamos unha nova andaina dende a biblioteca, a creación do Club de Lectura.Queremos escoitar as vosas opinións e reflexións sobre os libros lidos.


Xa levamos varios libros dos que vos dimos referencias


O LIBRO DO MES DE NOVEMBRO


OS MEGATOXOS, de Anxo Fariña


Cando Ruxe, Faísca, Ninfa e Lúa comezan este curso, apenas se coñecen. Mais un incidente fará que as súas vidas cambien. Decataranse de que teñen máis cousas en común que asistiren á mesma escola.Estraños poderes, aventuras e misteriosos encontros. Todo iso mesturado nunha viaxe polo tempo, na procura de respostas, na terra dos seus antergos... os celtas

O 3 de decembro tivemos unha sesión aberta do Club de Lectura para charlar e compartir comentarios sobre este libro, ¡co propio autor!.