AINDA QUEDAN PIRATAS NA COSTA DA MORTE

Hoxe xuntámonos para falar co 1º grupo sobre este libro. Algúns convertímonos en piratas por un momento, pero a maior sorpresa foi cando se descubriu que Don Moucho, a nosa mascota, tamén nos estaba agardando vestido de pirata para a ocasión.
O ambiente xa estaba creado, empezamos a saborear o bizcoito de chocolate e entre bocado e bocado fomos intercambiando opinións sobre este libro. Compartindo en voz alta os nosos pensamentos sobre a historia, que se ía tecendo, e sobre as personaxes, foi pasando o tempo.
Falamos do cambio de Hector na súa estancia na Costa da Morte incluso "afeccionárase á lectura e lía toda clase de libros dos máis variados temas, deixándose levar pola curiosidade e polo impulso".
Carolina, a súa curmá tamén observara ese cambio, esa madurez, comparándoo con Xoán dicía que "a madurez non está na idade das persoas, senón na súa capacidade de adaptarse ao medio e aos demáis, e de aceptar a realidade sen complexos, tratando en todo caso de superarse ou superala"
A moitos deles a escea que máis lles gustou foi a do cemiterio xa que era como se estiveran alí con eles.Mar definiu o libro como un libro cheo de aventuras, misterio e amor.

A COSTA DA MORTE

Aínda quedan piratas na Costa da Morte é a seguinte obra que estamos lendo.Esta historia sucede nun lugar da costa cun nome tráxico .


Algunhas lendas otorgan a mar a verdadeira razón do seu nome, a esa mar que loita rabiosa contra o litoral, engullendo sen piedade no seu fondo a barcos e homes.
Tamén había quen pensaba que Fisterre era o final do mundo coñecido, a fronteira coa mar , coa morte.

Sexa cal sexa a orixe do seu nome a Costa da Morte é un lugar máxico e cheo de beleza.
Invitámosvos a dar un paseo con estas imaxes.

DIARIO DE ANA FRANK, TESTIMONIO DA CRUELDADE NAZI

Durante este mes estivemos lendo o Diario de Ana Frank.

No seu diario persoal, que comenzou a escribir apenas un tempo antes da invasión nazi, Ana Frank expresa os seus sentimientos e emocións durante a súa estancia, oculta da vista do exército nazi.

Ana Frank é sen dúbida a personaxe histórica que máis contribuiu a conservar o triste recordo do holocausto, que representa unha das maiores atrocidades da historia da humanidade. O seu testimonio serve para coñecer os horrores do nazismo.

Deixámosvos unha presentación de imaxes para que a coñezades un pouco mellor

Se queredes máis información sobre a súa casa clicade na imaxe

LISTADO DE LIBROS ESCOLLIDOS

Este ano debido ao elevado numero de alumnado de 6º ,anotado para o club, vímonos obrigados a centralo só neste nivel coa conseguinte pena dos de 5º. A estes últimos os temos en lista de espera e en caso de haber algunha baixa iríamos chamándoos. Pero xa lle prometimos que o mes de maio estará dedicado para eles. En canto aos libros que íamos ler, levámoslle unha relación de títulos e despois de ler un breve resumen deles elixiron os seguintes:

Contatrás,Paula Carballeira

Ed.Positivas

Aínda quedan piratas na costa da morte

Consuelo Jiménez de Cisneros

Ed.Edelvives

El diario de Ana Frank.

Ed. Debolsillo

As flores radioactivas

Agustín Fernández Paz .

Ed. Xerais

Vero en la corte del Rey Arturo.

Carlos Puerto. Ed. Edelvives

Darwin el viajero.Nicolas Cuvi.

Ed.El rompecabezas

Eles e elas xa saben que o Club de Lectura Bibliobrey intenta ser un lugar , onde compartimos e intercambiamos opinións, pensamentos, inquedanzas ou sentimentos causados pola lectura dos libros.

“Ler fainos máis comprensivos,

potencia a nosa imaxinación e

danos a posibilidade de vivir

outras vidas ademáis da nosa”

PRIMEIRA XUNTANZA DESTE CURSO

Se estás en5º ou 6º e che gusta ler, esperámoste o xoves no recreo na biblioteca, para por en marcha este novo curso.

Esperámoste!!!

XUNTÁMONOS CON BALA PERDIDA

Durante esta xuntanza falamos sobre Bala Perdida, Rai, Rosa e algúns dos outros personaxes.
Según a maioría é un libro que tarda un pouco en engancharte pero unha vez que empezas non eres capaz de parar, como lle pasou a Carla que tivo que lelo enteiro nun día.
Falaron sobre os xudeus e os campos de exterminio, algúns incluso lembraron algún libro que falaba deste tema como é o Libro de Ana Frank.
San Andrés de Teixido tamén aparece no libro polo que comentamos sobre o que sabían eles deste sitio. Resultáronlle moi simpáticas algunhas das comparacións que utiliza o escritor:

"Tiradentes agarraba o timón como un volante de Fórmula 1"...

Para eles non era un pirata normal, era un pirata con corazón e con escrúpulos. Como ben dixo
Carla Bala Perdida é coma unha tartaruga, dura por fora e blanda por dentro.

Este vai ser un libro que lles vai deixar recordos, e como ben dixo Pedro incluso algunha expresión como "Cachis na tos!!" , xa acotuman a dicilo dun xeito natural.

MALEKÍN NO NOSO CLUB DE LECTURA

A xuntanza comenzámola lendo unha reseña á lectura que fai o avó de Cristina no libro:

“La lectura es muy importante. Leer nos hace más comprensivos, potencia nuestra imaginación y nos da la posibilidad de vivir otras vidas además de la nuestra.”

Falaron dos personaxes e dos seus pasaxes favoritos.A Carla e Yanira encantáronlle as historias de fadas que lle contaba Alicia a Cristina, como a da fada do Eco ou a historia de Calipso e o mariñeiro.Desta última historia leron unha frase que lles chamou a atención:

“El verdadero amor no es el que te ata, sino el que te deja libre”

A Aitor encantaríalle vivir nunca casa chea de misterios como a do avó de Cristina, e a Samuel encantaríalle saber tanto de fadas como o avó.

A Laura encantoulle o final, cando Cristina e Alicia conseguiron salvar a Malekín mediante o abrazo das tres.

Despois desta sesión todos nos quedamos con gañas de saber máis sobre a vida destes seres máxicos e sorprendentes.

Estas ideas foron algunhas das que centraron o debate que acabou coa idea de que o libro nos gustou en liñas xerais.