miércoles, 30 de noviembre de 2011

NATA Y CHOCOLATE, UN LIBRO SOBRE ACOSO ESCOLAR


Este mes estamos lendo "Nata y Chocolate". O éxito está sendo tan grande que xa sei que moitos de vos xa rematáchedes. Como moi ben dicides é un libro que cando o empezas ler non podes parar.Ás profes pasounos exactamente o mesmo.
Para os que todavía non tivéchedes a oportunidade de lelo non vola podedes perder .

Conta a historia de Sonia, unha nena calada, triste e solitaria. Os seus compañeiros non paran de meterse con ela por ser albina; Lola incluso obligaa a facerlle os deberes. Ninguén parece darse conta desta situación ata que chega ao centro unha nova profesora e decide cambiar esta situación .

Sonia, é unha nena albina. Para os que queirades saber algo máis sobre esta enfermidade : en qué consiste, qué coidados teñen que ter coa súa pel , qué particularidades teñen na súa vida diaria… podedes clicar enriba desta imaxe.



Xa sabemos que disfrutáchedes co libro, agora chega o momento de disfrutar tamén buscando información.

Preparados, listos... XA!!!

sábado, 19 de noviembre de 2011

VIAXANDO NO TEMPO COS MEGATOXOS








Este xoves pasado xuntámonos para falar dos Megatoxos e do aprendiz de Druída. Foi unha sesión chea de entusiasmo, todos querían participar cos seus comentarios e opinións. Falamos dos poderes especiais dos protagonistas e tamén dos celtas, pobo ao que viaxan, e sobre o que investigaron algúns dos membros do club. Todo esto acompañado de diferentes doces feitos por eles mesmos para a ocasión. Gustoulles poder acompañar aos Megatoxos nesta viaxe no tempo e xa están desexando ler as seguintes aventuras destes rapaces e rapazas.

viernes, 4 de noviembre de 2011

COMEZAMOS COS MEGATOXOS





Ruxe, Faísca, Ninfa e Lúa apenas se coñecen cando empezan o curso, pero algo sucede e fará que as súas vidas cambien para sempre.Teñen máis cousas en común do que eles pensaban. Estraños poderes, aventuras e misteriosos encontros viaxando polo tempo en busca de respostas, na terra dos seus antergos...os celtas.

Se queredes saber máis podedes clicar na imaxe e deixar os vosos comentarios.

Anxo Fariña, o seu escritor e ilustrador visitounos fai uns anos, deixounos algunhas ilustracións que hoxe presiden a nosa biblioteca, e incluso invitounos a presentación do libro.


Este é o inicio dunha fantástica viaxe que continuará ... Non vos poderedes perder os seguintes títulos.

domingo, 9 de octubre de 2011

XA ESTAMOS EN MARCHA



O Club de Lectura xa está en marcha dende esta semana. Este curso nos reuniremos en dous grupos xa que sodes 36, xuntarémonos un xoves ao mes no recreo. Nestes encontros intercambiaremos ideas, opinións ....

Na primeira xuntanza xa coñecíchedes os títulos que imos traballar e como. As vosas caras iluminaban entusiasmo cando colléchedes nas mans o primeiro libro co que imos empezar, desexamos que non o perdades nunca, o entusiasmo!.

Benvidos ao CLUB DE LECTURA BIBLIOBREY!!!

lunes, 27 de junio de 2011

DESPEDIDA E ROTEIRO LITERARIO POLO TEA















Para despedida, o club de lectura disfrutou dun roteiro literario polo río Tea.Leímos diferentes poemas de Javier Heraud, dedicados ao río, e incluso un escrito por María Portela, membro do noso club.
E...o bizcoito de chocolate tampouco podía faltar.Houbo entrega de diplomas e un folleto de recomendacións de "libros con sabor a chocolate".



A continuación deixámosvos algúns dos comentarios sobre o seu paso polo club de lectura:

"A oportunidade de ler libros , compartir opinións, entrar no mundo da fantasía, pasalo ben e compartilo cos demáis"
"Unha nova experiencia que me aportou máis coñecementos"
"Relacionarme con xente que comparte o meu afán polos libros e poder comentalos con eles"
"Falar de temas interesantes "
"Unha experiencia , onde podes expresar a túa opinión e compartila cos demáis"

Cando empezamos a organizar esta última xuntanza e ao saber que íamos ao río, María decidiu escribir un poema no que reflexiona sobre a contaminación do río.




O RÍO


O río levaba auga,


o río levaba calma.


O río levaba troitas,


o río levaba moitas.


Agora o río leva contaminación,


agora o río estará en extinción.


Un día camiñando


escoitei ao río chorando,


Pregunteille que pasaba,



o río choraba e choraba.



A contaminación


é para min unha destrucción,


contou o río con depresión.


Non teño mans


para arranxar


este mal que está a pasar.



Nenos e nenas,



nas vosas mans está


o poder de axudarme

a reparar este mal.








jueves, 26 de mayo de 2011

CHAMÁDEME SIMBAD






O avó fai cousas moi raras. Esquécese de todo e cámbialle o nome a todo o mundo, incluso ao seu neto que lle chama Simbad o Mariñeiro. Él é o único que entende ao avó e cando as cousas se poñen feas será o que sepa como actuar.

Falamos sobre o pai de Paulo, un home moi ocupado polo seu traballo, que coloca por enriba de todo o seu traballo, incluso da súa familia.

Reflexionamos sobre o alzheimer e incluso intercambiamos experiencias xa que varios membros do club temos familiares con esta doenza. Sandra tamén investigou na casa sobre o tema e trouxonos os seus descubrimentos.

Ao final o avó vai ir a un "Centro de día", e falamos sobre a visita dos "maiores" do Centro de Día do noso concello ao noso centro nestes días.

Son moitos os valores que se traballan neste libro: o respeto polos maiores, a comprensión da enfermidade, as relacións entre as diferentes xeracións, os roles do home e da muller tradicionais, a literatura como xeito de liberación...


Aqui vos deixamos un dos pasaxes máis emotivos de Paulo co seu pai:

"Cando sexas velliño e non poidas nin cortar a comida nin vestirte nin nada, eu, xúrocho! ... eu sempre estarei ao teu lado para coidarte."

É un libro para ler e reler.

lunes, 25 de abril de 2011

HOYOS















Este libro foi ,tal vez , o máis esperado por todo o club de lectura pola propaganda que lle fixo Pablo Bouzada dende principio de curso.Por unanimidade escollérono como o mellor libro de todos os lidos durante este curso. Gustoulles a mezcla de aventura, humor e intriga. O feito de incluir varias historias intercaladas costoulles, a algúns, enlazalas ao principio. Recoñeceron a necesidade desos saltos temporais para poder comprender a novela. A exaltación do valor da amizade foi outro dos puntos sobre os que se falou.



domingo, 27 de marzo de 2011

VENTOS



Nesta ocasión xuntámonos para falar de poesía, en concreto do libro Ventos, de García Teijeiro.
Cada un leu o que máis lle gustou e algúns trouxeron rematado o poema que no libro invitaba a facelo. Incluso houbo os que decidiron facer tamén poemas dedicados ao vento.
A continuación deixámosvos unha pequena mostra.










Como poderedes comprobar temos moi bos poetas e poetisas no noso club.

miércoles, 9 de marzo de 2011

ANTONIO GARCÍA TEIJEIRO

Durante este mes estivemos lendo poesía de Antonio García Teijeiro, en concreto "Ventos".Seguro que todos xa tendes o voso poema favorito sinalado, non vos olvidedes de traelo para axuntanza.Deixóvos este vídeo para que vaiades coñecendo a este ilustre escritor.

viernes, 11 de febrero de 2011

HUGO TRAS UNA PISTA HELADA



Esta semana tivemos a xuntanza para falar de Tom e do fantasma, Hugo, que descubre no sótano da súa casa. Recurre a Eloína Comino para que lle axude , pero a medida que vai coñecéndoo, fanse amigos e termina axudándolle a recuperar a mansión donde vivía.

Durante a lectura deste libro conseguimos participar das aventuras desta historia e descubrir algúns trucos para desfacernos dos fantasmas. Comentaron que lles pareceu unha historia moi ben plantexada e que lles fixo pasar moi bos ratos.

A historia gustoulles moito e convertíronse en verdadeiros especialistas de fantasmas, especialmente David e Pablo. Ten moitos episodios graciosos e cada un falou do seu capítulo favorito.

Se vos gusta ler, animádevoooooos!

Será unha experiencia fantasmagóricaaaaaaaaa!!

martes, 8 de febrero de 2011

CORNELIA FUNKE



Este mes estamos lendo "Hugo tras una pista helada" da escritora Cornelia Funke.

Cornelia Funke, galardonada con diferentes premios, é unha das escritoras contemporáneas máis importantes de literatura infantil e xuvenil. Nas súas obras atopamos aventura, fantasía, suspense, maxia, dragóns, castelos, fantasmas, ladróns… todo iso narrado con encanto e imaxinación.

Despois de graduarse obtivo un título de educación teórica en Hamburgo. Pero, ela de pequena quería ser astronauta. O seu soño de ver as estrelas terminou cando viu que se precisaba entrenamento militar. Tamén desexou convertirse en piloto.

Posteriormente, traballou tres anos como traballadora social para nenos desfavorecidos. As historias desos nenos inspirárona a escribir e ilustrar algunhas das súas novelas. Quería facer deste mundo un lugar mellor axudando a outros. Despois de terminar un curso de ilustración
traballou como diseñadora de xogos de mesa e ilustradora de contos infantís. Necesitaba escribir, debuxar e diseñar. Antes de trasladarse aos Estados Unidos, Funke traballou para un canal alemán , escribindo guións nun programa. No 2005 trasladouse de Hamburgo a Los Ángeles.

Algúns dos seus libros como Corazón de tinta e El señor de los ladrones foron adaptados ao cine.

"Reckless. Carne de piedra" foi o último libro que acaba de publicar no 2010 en máis de doce idiomas simultáneamente. Este novo mundo de Cornelia Funke lévanos a un universo detrás do espello. Un universo donde os contos da infancia cobran vida.

Se queredes coñecer máis cousas sobre a súa vida e obra podedes clicar na foto.

domingo, 23 de enero de 2011

MAMASIÑA QUE MEDO!






Na última xuntanza falamos deste libro de teatro. Moitos deles foi a primeira vez que lían teatro e encantoulles a experiencia. Pablo e David dicían que cando o estaban lendo entrábanlles unhas gañas impresionantes de representalo.
Falamos da mestura de elementos actuais con outros que non teñen que ver co noso mundo
(como viaxar en vasoira) o que lles resultaba moi divertido.Chincheta estudia novas tecnoloxías, teñen que levar a vasoira a ITV...
Hai unha serie de adiantos técnicos que sorprenden coma a vasoira da
bruxa que ten tren de aterraxe, piloto automático, motor de arranque ou depósito de combustible.
Hai situacións realmente cómicas coma cando aparece o morcego e se asusta a bruxa
del e el da bruxa berrando ao tempo. Ou outras nas que a rapidez coas que cambiamos
de emocións provocando a risa, por exemplo cando a bruxa acaba de asustarse só de ver ao morcego que lle conta o pavoroso que é o seu señor e a continuación dóese del cando lle di que está enfermo.
Analizamos tamén as esaxeracións entendéndoas como recursos humorísticos e poéticos. Di o morcego: «O xigante é descomunal.Faise noite só coa súa sombra».
As imaxes tamén nos fascinaron e descubrimos que nos aportaban información da que non aparecía no texto. David animouse a facer unha ilustración.
Falamos tamén dos nomes dos protagonistas, do que lles gustaba, ata tal punto que a Pablo gustaríalle crear unha nova persoaxe, Chinchilla. Prometeunos que escribirá un novo capítulo con esta persoaxe. Tan pronto o teñamos publicarémolo para que todos poidades disfrutar del.

Animámosvos aos que todavía non lerades esta obra que os apuredes xa que pasaredes un bo rato.